أخبار وطنية

إحباط مخطط إغراق تونس بكميات ضخمة من الكوكايين

    عقب إصدار وزارة الداخلية الليبية لبلاغ منذ لحظات تعلم فيه أنه و على إثر ورود معلومات حول اعتزام شبكة دولية متخصصة في الاتجار بالمخدرات، تم نصب كمين على اثره تم العثور على كمية مخدرات تقدر ب 128 كغ من الكوكايبن قادمة من الإكوادور مخبأة في شحنة موز و ذلك بميناء بنغازي…

وحيث تم نصب كمين مُحكم وفتح وتفتيش الحاويات بواسطة الماسح الضوئي ليتبين وجود كمية من مادة الكوكايين المُخدرة تقدر (128)كيلو جرام من مخدر الكوكايين الخام، بقيمة مالية تُقدر ب 244,000,00 مائتان وأربعة وأربعين مليون.

يقول أحد الخبراء والمتابعين للشأن الإقليمي بأن دخول شحنات ضخمة إلى ليبيا قد يتسبب في إغراق المنطقة بالمخدرات.

ويضيف المتحدث: إذا علمنا أن le navire bananier هو كيف le pétrolier بالضبط ، معناها يعبي الشحنة متاعو من بلد المنشأ، و يبحر لتفريغ عديد الشحنات لعديد البلدان، وفي عديد المواني، يهبّط شوية هنا و شوية غادي و عملية المناقصة تتم في أعالي البحار خاصة الموز اللي يبقي مدة طويلة بش يوصل و الأسعار كيف ما نعرفو تطلع و تهبط و كل يوم و يومَو…

كمية المخدرات اللي تم الإعلام عليها في ميناء بنغازي، هاذيك و حسب تصوّري هي آخر الكمية بعد ما فرغت الباخرة هنا و غادي و لم لا في بلادنا!!!

وكلنا نتذكرو عامين لتالي و قت الإعلام الإكوادوري صرح و انو ابطل شحنة تقدّر بطن كانت في اتجاهها إلى تونس في إطار ما يطلق عليها حملة vispera للقضاء على آفة المخدرات بالاكوادور، و اللي لتوّا لا نعرفو مآلها القضية هاذي و اشكون وراها و اشكون عندو الأموال هاذيك الكل لشراء طن من الكوكايبن الخام!!!

حاجة أخرى الكميات المحجوزة في ليبيا هي كميات ضخمة تغرّق السوق الليبية و زيادة، معناها ليبيا أصبحت بلد عبور لمصر و لتونس…

الحذر واجب، و موش لازم علينا البانان يا أخي، استنزاف للعملة، سومو ما يتقربش، واصبح وسيلة للاتجار في الكوكايبن كيف العادة من قبل أشباح!!!

و بما انها أشباح و أطراف غير معلنة تتاجر في السموم، مخزن مسكّر و لا خبر مشوم…

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى