أخبار وطنيةمقالات رأي

الدكتورة أسماء بابا تكشف من هو المالك الحقيقي لمغازات “عزيزة”

كتبت الدكتورة أسماء بابا لتكشف من هو المالك الحقيقي لمغازات “عزيزة”:

صباح الورد

ايجاو نحكيلكم مغازات عزيزة متاع شكون و كيفاش جات ؟

خاطرنا شعب ” طيب” الي يقولوهولنا نصدقوه خاطر فينا شكون يحب يصدقو و فينا شكون ما يعرفش غيره فهاونا يعاود الي سمعه ….

كثر الحديث هالنهارين على مغازات عزيزة و انه “الثوار” الطيبين يحرقو فيها خاطرهم متاع “حمادي الجبالي ” و في رواية اسنادها اضعف متاع “سمية الغنوشي” اي تاكسيست تركب معاه ينجم يأكدلك وراية حمادي الجبالي هاك علاش اسنادها اقوى بالنسبة لسمية مفهمتش علاش هي بالذات من بين 6 صغار للغنوشي منهم زوز اولاد كان هي التوانسة عاطيينها الاملاك الكل ههههه

الحكاية بدات في ثلاثينات القرن الماضي

وقتلي راجل خدام من قصيبة المديوني اسمه ابراهيم سلامة بدى بفكرة بسيطة وحدة لعصر زيت الزيتون وصناعة الصابون الأخضر المنزلي

تطورت الخدمة و مشات و جا ولده علي سلامة الي كان اطار بالشركة الوطنية للنقل في 1970 الي خدم على ترويج المنتجات النباتية للاسواق العالمية فكانت «زيوت نجمة» االي هي الشركة المختصة في تكرير الزيوت النباتية وصناعة الدهون والصابون….

علي سلامة خدم.على تحسين منتجات هذه الشركة من التعبئة والتغليف ونجحت المنتجات في غزو الاسواق العالمية في افريقيا واوروبا والعالم العربي

و بدى مع ” مجمع سلامة ” مجمع «جياس» ( GIAS للصناعات العامة الغذائية في صناعة الزبدة والمارغرين وصناعة مكونات الخبز والمعجنات من خمائر «فينواز»

و بعد تم تاسيس (ميب (MIB) (لبيع وتوزيع الأجهزة الصناعية والمكتبية

من بعد دخل في قطاع جديد سنة 2014 ليكون بذلك أول مؤسس توزيع لشركة هار ديسكونت (Hard Discount) ويعني التوزيع بأسعار منخفضة جداً فانتشرت مغازات «#عزيزة» في الاحياء الشعبية

سي علي سلامة عنده زوز أولاد شهاب المدير التنفيذي لشركات سلامة للزيوت و«ميب»

و غسان هو ر م ع شركات عزيزة.

عرفتوش يا طيبين عزيزة متاع شكون ؟

اظهر المزيد

مقالات ذات صلة

زر الذهاب إلى الأعلى