مقالات رأي

معز بن سالم يفكك معركة الحامدي مع الإتحاد..تمثال الحرية الأمريكي بنسخته التونسية

 كتب الناشط السياسي معز بن سالم تدوينة عبر حسابه بالفايسبوك تحدث فيها عن معركة ألفة الحامدي مع الإتحاد العام التونسي للشغل:

معركة ألفة حامدي مع الاتحاد … هي معركة رمزية عندها بعد تفكيري فيه برشة تحدي … قدامها زوز حلول سياسية … اما النصر أو الفشل … كنا اصدقاء على تواصل دائم وقت الي كانت تخدم في الولايات المتحدة … و لكن بعد ما شدت Tunisiair … ولات عندها برشة مشاكل و ضغط … الشيء الي خلاها ماعدش تقدر تكلمني كيما قبل و هذا مفهوم … المفيد نعرف الي هيا تقرى كل تدويناتي … هذاك علاش قررت نكتب راي في المعركة الي تعيش فها … و هذا بعد ما قريت الرسالة الي كتبتها لطبوبي … و بعد ما تفرجت على الفيديو متاع السيد محمد صامتي الي يعيش زادة في امريكيا … الرسالة الي نحب نوصلها اليوم الى الفة حامدي … يا الفة …الرسالة متاعك المحترمة جدا ما يفهموهاش جماعة الاتحاد …خاطر الحاجة الوحيدة الي يخدمو علاها في السياسة … هيا ميزان القوى … ميزان الجمهور … ميزان القدرة على تقزيم أي قائد شعبي … تتفيه أي مستوى علمي … جماعة الاتحاد ما يفهمو كان لغة البطحاء و الشارع … ما يفهموش لغة الشهايد و العلماء … لغة التخطيط و الاقتصاد … لغة الرؤية و التفكير … توا عندهم جمعتين ملي سكرو معمل صناعة الكماين متاع ISUZU في القروان … و صبحو اكثر من 600 خدام بطالة … اليوم أنت الي قلقتهم …موش خائفين على TUNISAIR … لا تتباع … هذيكا لغة سياسية و كهو … أما خائفين على البطالة الي ياخذو في شهرية و هما يلعبو في الرامي في الكولوارات … خائفين على جماعتهم الي دخلو يخدمو بشهايد مضروبة …خائفين على الجماعة الي دخلو يخدمو بالفلوس … العركة الحقيقية … هيا معركة … الشباب و الشياب … معركة البطالة و الخدامة … معركة العلماء و الجهال … معركة اعلام العار و اعلام الاصلاح … المعركة هي معركة قيادة ما بين لوبيات الفساد و الشباب الصاعد … أنا ننصحك … ترفع راية التحدي عالية جدا … و تطلب المساندة الشعبية … و تكون تمثال الحرية الامريكي أما بنسخته التونسية … و تقلب الموازين … و تكون تونس كاملة معاك …هذا بالطبيعة من غير ما تخمم ولو للحظة لبيع أي سهم من اسهم الشركة للخواص … تقعد شركة تونسية قومية متاع الشعب … أما من غير ما تخلي الاتحاد يربح المعركة … أنت ماعندكش حزب … و ما عندك علاش تخاف … ارفع راية التحدي … و احنا الشباب الكل معاك … ابدى أنت العركة … و احنا اتو نكملوها … أن شاء الله ربي يحمي تونس …

اظهر المزيد

مقالات ذات صلة

اترك تعليقاً

زر الذهاب إلى الأعلى